Kominn með leið á þessu

endalausa skæli í manninum um dómgæslu !

Því miður er þetta leiðinlegt, þegar þjálfarar keppast við það leiki eftir leiki að axla enga ábyrgð á liðum sínum og hvert er þá þægilegast að snúa sér, jú að dómurum.

Það er bara svo déskoti leiðinlegt að þurfa alltaf að heyra eða lesa sömu tugguna frá sömu aðilunum. Þessi fyrirsögn á fréttinni kemur t.d. jafn mikið á óvart og að á morgun sé föstudagur (fimmtudagur í dag). 

Það er hinsvegar kristaltært að þessir sömu aðilar sem skæla hvað mest út af dómgæslu muni gera það aftur, og það er einnig kristaltært að sambandið (HSÍ) mun ekkert gera með þessi ummæli.

Ég veit það vel að dómarar geta átt misjafna leiki, líkt og leikmennirnir og liðin en sem fyrr segir, sama leiðindavælið í sömu mönnunum er einstaklega pirrandi.

Viggó Sigurðsson: Annar dómarinn var á móti okkur

Athugasemdir

[Rúnar Geir (IP-tala skráð) 16.10.2008 kl. 22:52]

Byrjar Viggó enn og aftur. Ég minnist þess að fyrir nokkrum árum hafi Viggó látið svona æ ofan í æ. Hann sakaði meira að segja dómarastéttina um að vera í samsæri á móti Haukum, en það versta er að félagið bakkaði hann upp í vitleysunni.

[Bjarki (IP-tala skráð) 16.10.2008 kl. 23:05]

Alltaf sami tóninn í Viggó. Hann og Guðjón Þórðarson ættu að halda námskeið um það hvernig á kenna öllum öðrum um en sjálfum sér. Sérstaklega þó dómurum.